❞ 📚 كتب المقاولين ❝
حصريًا للـ المقاولين . جميع الكتب المتعلقة بـ المقاولين . الاعتراف بالإيراد في محاسبة شركات المقاولات؟ ماهى قيود اليومية المطبقه على العمليات الماليه في محاسبة المقاولات؟ من خلال المقال هذاسنتعرف علي كيفيه الاعتراف بايردات ومصروفات اى عقد مقاولات، وازاى بيتم تسجيلها كقيود يوميه في نظام محاسبة شركات المقاولات المتكامل. خلينا نبدأ من نقطة اننا كشركة مقاولات دخلنا مناقصه وكسبناها واتعاقدنا فعليا مع العميل وبيانات العقد بالشكل ده: قيمة العقد: 1000000 جنيه التكاليف المقدرة: 800000 جنيه مدة العقد:سنتين ماهى مراحل الاعتراف بالإيراد في محاسبة شركات المقاولات؟
المرحلة الاولى:
ودى المرحلة اللى بنبدأ فيها ناخد دفعه مقدمه من العميل بتاعنا أو مالك المشروع عشان نبدأ ننفذ شغلنا، والدفعة المقدمة دى هاتكون بمثابة التزام علينا لحد مانثبت استحقاق معين على المالك. قيد الدفعة المقدمة: 100000 من ح / النقديه (البنك) 100000 إلى ح / عملاء عقود تحت الإنشاء (العميل..) (قيد اثبات تحصيل دفعه مقدمه من العميل...مالك المشروع....)
المرحلة الثانية:
من مراحل دورة محاسبة المقاولات وتطبيقها على برنامج محاسبة شركات المقاولات ودى مرحلة التنفيذ الفعليه وهنا بنبدأ نشتغل ونتكبد تكاليف فعليه وقبل مانبدأ في تسجيل التكاليف دى لازم نعرف اننا كمحاسبين بنتكبد نوعين من التكاليف:
النوع الأول: ودى التكاليف المباشرة اللى بننفقها على المشروعات اللى ماسكينها ودول شوية بنود منهم واللى لازم نكون عارفين التوجيه المحاسبي السليم لبنود التكاليف دى في اطار محاسبة شركات المقاولات:
1-المواد والخامات المستخدمه مباشرة في المشروع زى الطوب والاسمنت الرمل وممكن المواد دى اكون بشتريها بشكل مباشر من الموردين وبوزعها على المشروعات أو انى بشتريها واخزنها وبعد كدا اوزعها على المشروعات وعشان كدا خصصنا مقال عن انك ازاى تبنى نظام مخزنى متكامل.
2-اجور العمال اللى شغالين على المشروعات اللى انا ماسكها ودى بردو خصصنالها مقال بعنوان قيد الاجور والرواتب.
3-ونقدر نضيف على البندين دول مصروفات استئجار الالات مستخدمه في المشاريع ومصروفات ومصروفات التصمييمات الهندسيه وغيرها من التكاليف المتعلقه مباشرة بالمشروع.
النوع التانى: ودى عباره عن التكاليف الغير المباشرة زى اجور الاداره والمصروفات الاداريه ودى تكاليف فتره بتتحمل على قائمة الدخل في سنة تكبدها وكنظام محاسبة شركات المقاولات مش باعتبرها من ضمن تكاليف المشروعات.
ملحوظه هامة:
تسجيل التكاليف اللى بتحملها في محاسبة شركات المقاولات: مبدئيا عشان نقدر نقول ان التوجيه المحاسبي بتاعنا سليم لازم يكون عندنا حساب في شجرة الحسابات في الاصول المتداوله اسمه عقود تحت التنفيذ ( تحت الإنشاء ) ودا الحساب اللى بنثبت بيه جميع التكاليف المتكبده على المشاريع عشان نقدر نعرف احنا وصلنا لحد فين في المشروعات بتاعتنا واتكلفنا في كل مشروع اد ايه بالضبط من كل بند من بنود التكاليف المختلفه. ولنفترض اننا تكلفنا مواد بمبلغ 2000000ج واجور بمبلغ 100000ج ومصروفات مباشره (زى التصميمات ) بمبلغ 100000ج.
في الحالة دى هانثبت القيد بتاعنا بالشكل ده: 400000 من ح / عقود تحت الإنشاء ( مشروع العميل...)
200000ج مواد ومستلزمات 100000 ج اجور وراتب 100000 ت. مباشره وتصميميات إلى مذكورين
200000 ح / مخزن الخامات ( أو الموردين ) 100000 ح/ اجور مستحقه للعاملين 100000 ح / حسايات دائنه اخرى
المرحلة الثالثه:
وهى الاعتراف بالإيراد اللى بيخص العام ودى أهم مرحله على الإطلاق اللى بقول فيها انا الدخل بتاعى اد ايه والتكاليف بتاعى اد ايه: في الأول بيتم حساب الإيراد اللى بيخص السنه وفقا لنسبة الإنجاز: وبنحسب نسبة الإنجاز بالمعادلة البسيطه دى: نسبة الإنجاز = التكاليف الفعليه ÷اجمالى التكاليف المقدرة حتى اتمام العقد وفى السنه الاولى هاتكون نسبة الإنجاز بالشكل ده: 400000 اجمالى المنفق فعليا ÷ 800000 اجمالى المقدر = 50 %
وبكدا الإيراد اللى هايخص السنه هايكون بالشكل ده: 1000000 اجمالى قيمة التعاقد 50 % نسبة الاتمام = 500000
بعد كدا بنثبت قيد الاعتراف بايرادات وتكاليف العقد في محاسبة شركات المقاولات واللى هانقرر عنها في قائمة الدخل بالشكل ده: 400000ج من ح / تكاليف عقود تحت التنفيذ 100000 من ح / عقود تحت التنفيذ (بالفرق) 500000 إلى ح / ايرادات عقود تحت التنفيذ (قيد اثبات مايخص الفترة من ايراد وتكلفه للمشروعات)..
منصّة المكتبة 
مناقشات واقتراحات حول صفحة المقاولين: