ياسمين المهدي

الأستاذة الدكتورة ياسمين المهدي هي أستاذة في كلية طب الأسنان بجامعة عين شمس، مصر. وهي حاليًا وكيل الكلية لشئون التعليم والطلاب. وهي كاتبة ومدربة دولية معتمدة، ولديها خبرة أكثر من 20 عامًا في التدريس والتدريب والإدارة. وهي مدربة معتمدة من مؤسسة Hand in Hand للتربية بالتواصل، ولايف كوتش معتمد من اتحاد الكوتشينج الدولي ICF. وهي حاصلة على دبلومة تعديل السلوك من جامعة نوتنج هيل البريطانية، ومعتمدة من جامعة كامبريدج البريطانية كمدربة دولية، وحاصلة على دبلومة البرمجة اللغوية العصبية من INLPTA، ودبلوم التسويق الإلكتروني digital marketing من الغرفة الكندية. وهي رئيس تحرير المجلة العلمية للكلية، وشاركت في العديد من المؤتمرات والندوات الدولية حول تربية الأطفال والصحة النفسية. وهي مؤلفة للعديد من الكتب، منها: كيف تربين فتاة واثقة من نفسها افهميني يا ماما كتاب المذاكرة - تربية طالب متفوق دراسيا كيف تربين فتاة؟ الدكتورة ياسمين المهدي هي شخصية مؤثرة في مجال تربية الأطفال، وتعمل على نشر الوعي حول أهمية تربية الأطفال على الثقة في النفس ومواجهة التحديات. تؤمن الدكتورة المهدي بأن كل طفل لديه القدرة على النجاح، وأن دورها هو مساعدة الآباء والأمهات في تنمية قدرات أطفالهم وتحقيق أهدافهم. ❰ لها مجموعة من الإنجازات والمؤلفات أبرزها ❞ كيف تربين فتاة واثقة من نفسها ❝ ❞ افهمينى ياماما ❝ ❞ المذاكرة ❝ الناشرين : ❞ عصير الكتب للنشر والتوزيع ❝ ❞ ابداع للنشر والتوزيع ❝ ❱

---

1977 م.

تم إيجاد لها: 3 كتب.

تقول الكاتبة عن نفسها :

أولا أنا أم ل 3 بنات ربنا يحفظهم و يبارك فيهم، قولوا آمين.. و كمان شغلي الأساسي مع البنات، أنا أستاذ في كلية طب الأسنان و حاليا بأشغل منصب وكيل الكلية ، بقالي 11 سنة بتعامل مع طالبات فقط ، و قبل الفترة دي كنت في جامعة تانية و كنت بتعامل مع طلبة وطالبات بس مكانش بيشغل دماغي غير إني أعلمهم كويس و بس، لما أخدت الدكتوراة و تخففت شوية من إعصار تحضير رسالتي الماجيستير و الدكتوراة، ابتديت أنتبه لإني مش بس المفروض إني أعلمهم أسنان، لأ.. أنا كمان المفروض أعلمهم الحياة😍.. و فعلا، كنت بخصص جزء من محاضراتي لل life skills.. كنت بعلمهم مهارات حياتية مختلفة، ازاي يتواصلوا، ازاي ينظموا وقتهم.. ازاي ينتبهوا إن فيه حياة تانية مش أكاديمية.. ازاي يطوروا نفسهم ك بني آدمين.. مش بس كدكاترة.. و بفضل الله الكورسات و الشهادات اللي أخدتها ساعدتني كتير في ده.. و خصوصا إني معتمدة من مؤسستين تربية معروفتين في الولايات المتحدة👩‍🎓.. والشهادات دي أنا كنت باخدها لنفسي في الأول، علشان أعرف أتواصل مع بناتي و أفهمهم بشكل أفضل.. لأني حسيت ان موضوع التربية مش سهل وانه أعمق من كده بكتير و الحمد لله ربنا وفقني ولقيت اللي بدور عليه في ( hand in hand parenting by connection).. .. ازاي المخ بيشتغل وهتعملي ايه لما تلاقي نفسك في لحظة عاجزة عن التصرف... فهم عميق جدا للمشاعر في المواقف المختلفة وبالتالي رد فعلك بيبقى مناسب... انا درست التربية بالتواصل أكتر من سنة أكاديمية كاملة علشان هما بيؤهلوا المدربين انهم يبقوا فعلا فاهمين بعمق ويقدروا يساعدوا الأمهات بسهولة، وهو ده نظام المؤسسة، مؤسسة ( hand in hand)، اني لازم أمر بمراحل كتير ومقابلات ومذاكرة وامتحانات وواجبات علشان ابقى معتمدة.... ولأن الطريقة دي مبنية على علم الأعصاب🧠 وعلى أبحاث دكاترة نفسيين كتير وبصفتي باحثة بحب أعرف دايما ايه العلم اللي ورا الأشياء (the science behind) ، ده بيديني رؤية أصح وأعمق... و علشان احنا عايشين في زمن فتن كتير، و الضغوط اللي حوالين البنات (وأكيد الولاد بردو ) بقت كتيرة.. و علشان أنا مقتنعة إن لما العلم يجتمع مع الخبرة، الموضوع بيفرق جدا، قررت إني أتكلم عن تربية البنات في زمن الفتن.. زي بالضبط لو حد بيدرس للطلبة بتوعه جراحة و هو عمره ما عمل عملية بنفسه، أكيد وصوله للطلبة بتوعه مش هيبقى زي دكتور إيده في العمليات طول الوقت و عارف لما التكنيك ده يفشل، يبقى ذهنه حاضر إنه يجرب التكنيك التاني على طول.. فيه بوستات من اللي بكتبها بتنطبق على البنات والولاد، و فيه بوستات كتير على الصفحة عن الولاد ، و أكيد بردو ان شاء الله هكتب بوستات عن الولاد.. و بفضل الله أقدر أفيد الأمهات اللي عندهم بنات في مشاكل دقيقة تخصهم.. علشان كده أنا اخترت إني أكتب عن تربية البنات في زمن الفتن..