❞ ديوان ديوان مثلا ❝ ⏤ عمرو حسن

بتحب ليه السيما!
اسأل محمد خان...
واسأل صبي حبها واداها روحه، اتخان
بتحب ليه الشتا؛
اسأل بقى الدخان
واسأل خيوط الصوف في البالطو هتقولك:
(لولا الشتا يا صديق كنا اتحرقنا حريق)
لولا السجاير والغنا والبُن
كنا صبحنا حطام
أو صنف من أصنام مصنوعة بالعجوى
ولولا - أحمد زكي وسناء جميل - مثلًا
كنا صبحنا حديد
أو علبة اسطوانات
لكن لحزن الحسن والخبطات
ربك جعلنا غلابة بالفطرة
علشان كده كل اما اجرّب الانتحار بافشل
وبتدخلوا الأوضة وانا باقول اكشن
فبتحسبوا المشنقة من جهلكوا فيونكة
ودي .. مش فيونكة

الكلام يبدو انتهى
بس فيه فى القلب حاجه ماقولتهاش
اللى عاش لنفسه مات
واللى مات لولاده عاش
واللى شال الشيله لسه ماتنساش
رب أسرة
جدار عريض
صاحب الروح الوحيد
يلا هامشى بس لينا كلام اكيد
بس رد الباب عشان
لو حد قالى هات ابوك
اجى اقولك
وتعاقبني
زى انا ما هعاقب ابنى
لجل يفضل مستقيم
اليتيم من عاش بدونك
فى الحقيقه انا مش يتيم. عمرو حسن - لشاعر عمرو حسن مواليد 17/8/87 بحي العصافرة الاسكندرية متخرج من كلية التجارة بجامعة قناة السويس لعام 2010 وبكتب الشعر من 2004 الجوائز التى حصل عليها – جائزة ساقية الصاوي ( أفضل شاعر 2010 ) – جائزة مجلة الثقافة الجديدة ( أفضل شاعر 2010 ) – جائزة المركزية 2008 – ذهبية الجامعات 2009 ( أفضل شاعر ) – درع جامعة حلوان 2009 ( أفضل شاعر ) الكتب المفضلة له علي ناصية الشاعر . – المهنة بارقص . – العزلة نص الونس . – من هنا للشعر . – الفراشات . – مصر الجديدة . – ديوان ناس كافيه . – سيلفى . ❰ له مجموعة من الإنجازات والمؤلفات أبرزها ❞ ديوان مثلا ❝ ❞ الوردة البلاستيك ❝ ❞ ديوان ناس كافيه ❝ ❞ تصبحي علي خير ❝ ❞ باندا ❝ ❞ أحدهم ❝ ❞ به نحيا ❝ الناشرين : ❞ دار دون للنشر والتوزيع ❝ ❞ دار تشكيل للنشر والتوزيع ❝ ❞ دار الرواق للنشر والتوزيع ❝ ❞ تبارك للنشر والتوزيع ❝ ❱
من الشعر العربى - مكتبة الكتب والموسوعات العامة.