❞ ديوان وتين ألماس ❝ ⏤ غادة الباوة

(وتين ألماس )
آه يا كاسي م اليوم وألبوم
حياتى وكاس اليتيم نَشْوان
مش هتوب هغزل من جديد توبك
هحاكى حُبك للورق والشجر والحيطان
زى الطير هنطير ونرفرف
على ضهر حصان
مش هنضرب رمل ولا يعينا
الدَجَل ، مش هنقرا الفنجان
تكفيني شمسك مش هلاقى
غير فيكى شمس الشتا تدفينى
مين غيرك يروينى لو جفت الوِديان
مِن غيرك أنا صفر صدقينى
يا وزن يزن الأرض بميزان
حبات عُقْدِك اللى اتنترت عالأرض
حَبَّة حَبَّة راح ألضمها واعملك
م الياقوت كِردان
حُبك ما راح أكف عنو ولو كفت
الأرض عن الدوران
ورب الكون بحلفلك لاكون حليفك
ولو اتحالف عليا وعليكى الزمان
ورب الكون والليل والنهار
ورب البحار والأنهار وما فيها من حيتان
هجيلك ولو مين جانى على غير أوان.
غادة الباوة -
❰ له مجموعة من الإنجازات والمؤلفات أبرزها ❞ وتين ألماس ❝ الناشرين : ❞ دار الرحمة للنشر والتوزيع ❝ ❱
من ديوان شعري كتب الأدب - مكتبة كتب الأدب.